ავტორები: ნანა შონია (ასოცირებული პროფესორი), თინათინ გუგეშაშვილი (ასოცირებული პროფესორი)

რედაქტორი: ლამარა ქოქიაური _ ეკონომიკურ მეცნიერებათა დოქტორი, პროფესორი

რეცენზენტები: გიორგი ღავთაძე _ ეკონომიკურ მეცნიერებათა კანდიდატი, პროფესორი
ნიკო ჩიხლაძე _ ეკონომიკურ მეცნიერებათა დოქტორი, პროფესორი

წიგნში “საბირჟო საქმე” განხილულია სასესხო კაპიტალის ბაზრის ერთ-ერთი ძირითადი ელემენტის _ ბირჟების ფუნქციონირების მექანიზმი. წიგნი გამოდის ორ ნაწილად. პირველ ნაწილში საუბარია საბირჟო საქმის წარმოშობა-განვითარებაზე როგორც მსოფლიო მასშტაბით, ასევე კონკრეტულად საქართველოში, აგრეთვე ძირითადი ყურადღება არის გამახვილებული საბირჟო მენეჯმენტზე, საშუამავლო ინსტიტუტებზე, საფონდო ბირჟაზე და მისი ფუნქციონირების მექანიზმზე, საფონდო ბირჟის აქტივებზე და მათ მიმოქცევაზე. სახელმძღვანელოს თან ერთვის იმ სიტყვების განმარტებითი ლექსიკონი, რაც გამოიყენება საბირჟო საქმეში.
სახელმძღვანელო განკუთვნილია ეკონომიკური სპეციალობის სტუდენტებისა და ლექტორ-მასწავლებლებისთვის, აგრეთვე საბირჟო საქმით დაინტერესებული პირებისათვის და მთლიანად საზოგადოებისათვის, რადგანაც საუბარია ისეთ პრობლემატურ საკითხებზე როგორიცაა:

• აქციონერთა და ობლიგაციონერთა უფლებების დაცვა;
• ფულადი დანაზოგის მიზანმიმართული დაბანდება;
• სახელმწიფოს როლი ფასიანი ქაღალდების ბაზრის ფორმირება-ფუნქციონირებაში;
• საქართველოს საფონდო ბირჟის განვითარების პრობლემები და პერსპექტივები;
• საფონდო ბირჟის როლი ქვეყნის ეკონომიკაში.

სახელმძღვანელო იბეჭდება აკაკი წერეთლის სახელმწიფო უნივერსიტეტის ეკონომიკის დეპარტამენტის გადაწყვეტილებით.